Inspektorati i Ferizajt mbron xhepin e qytetarëve, shpërndanë mijëra euro gjoba, bizneseve që mashtruan me çmime

04/04/2019 Institucionet

Qytetarët e Ferizajt janë më të mbrojtur se asnjëherë më parë nga leva kryesore e kontrollit që ushtron pushteti lokal e që është Inspektorati i Komunës. Këtyre ditëve në territorin e Ferizajt është zhvilluar një aksion i gjerë i kontrollit të çmimeve të produkteve që ofrohen në tregun tonë. Ky aksion ka rezultuar me evidentimin e një numri të konsiderueshëm të bizneseve të mëdha të cilat kanë manipuluar, mashtruar blerësit potencial duke ekspozuar çmime të ndryshme në vendin e ekspozimit, nga ato për pagesë në arkë. Kjo ka bërë që inspektorët e tregut të veprojnë menjëherë me gjobë administrative që kap vlerën e mbi 1000.00€, si fazë iniciale e procedurës, konform parashikimit ligjor të ligjit për mbrojtjen e konsumatorëve. Inspektorati i Komunës së Ferizajt është vigjilent në çdo sferë të fushës së tij të kompetencës, gjë që bën sigurinë e qytetarëve sidomos për produktet ushqimore dhe të tjera, dukshëm më të lartë e institucionet lokale thellësisht më të përgjegjshme ndaj afarizmit dhe rreziqeve me mashtrime që mund t’i bëhen qytetarëve. Kryeinspektori i Ferizajt, Ridvan Berisha njofton se dukuria e mashtrimeve me çmime është e shpeshtë në qendrat tregtare dhe marketet e mëdha që afarojnë në territorin e Ferizajt dhe se për këtë ka angazhuar ekipe specifike që do të monitorojnë vazhdimisht këtë fenomen që prek direkt xhepin e qytetarëve dhe rrit pasigurinë për produktet që përdoren, apo janë pjesë e kësaj skeme mashtrimesh. Organizatorët e skemave të tillë mashtruese, bizneset që janë dënuar, pronarët dhe përfaqësuesit e tyre janë proceduar sipas legjislacionit në fuqi. Një sukses i tillë i jashtëzakonshëm i Inspektoratit të Komunës, për të cilën falënderimi publik i rezervohet qytetarëve që denoncuan disa nga këto raste, inkurajon këta të fundit që të denoncojnë edhe më shumë rastet të tilla të mashtrimeve me çmime, që me forcën e ligjit, të veprohet drejtpërdrejt nga Inspektorati i Komunës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara