Institucionet komunale vazhdojnë të përkujdesen për shëndetin oral të fëmijëve

21/03/2017 Institucionet

Është në vazhdim e sipër faza e dytë e projektit shëndetësor për kontrollimin sistematik të shëndetit oral të nxënësve në shkollat e Komunës së Mitrovicës. Ekipi i Stomatologjisë të QKMF-së, aktualisht është duke i kontrolluar nxënësit e Shkollës së  Mesme të Ulët “Eqrem Çabej”.

Ekipi i stomatologëve të QKMF-së me përkushtim është duke i kontrolluar nxënësit dhe duke i këshilluar ata se si duhet të përkujdesen për shëndetin e tyre oral.

Drejtoresha e Drejtorisë së Shëndetësisë në Mitrovicë, Vlora Haxhimehmeti, tha se mjekët në përgjithësi po tregojnë profesionalizëm dhe gatishmëri të lartë për të bërë punën e vet ashtu si duhet. Ajo ripërsëriti se stomatologët vazhdojnë të konstatojnë sëmundje të dhëmbëve tek  nxënësit, andaj Drejtoria e Shëndetësisë dhe ajo e Arsimit, duhet të ndërmarrin masa sa më parë, në mënyrë që të përmirësohet shëndeti oral tek ata që janë konstatuar sëmundje, si dhe të parandalohen ato tek të tjerët.

Drejtoresha e  shkollës, Remzije Alidemaj, u deklarua se është shumë e kënaqur me punën  që po bëhet  për të mbrojtur shëndetin  nxënësve, andaj edhe falënderoj komunën e Mitrovicës dhe QKMF-në  për realizmin e këtij projekti.

Kontrolloni gjithashtu

Samra Kërqagu u zgjodh kryesuese e re e Komitetit Konsultativ për Persona me Aftësi të Kufizuara

Në Rahovec në prani të anëtarëve të Komitetit Konsultativ për Persona me Aftësi të Kufizuara, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara