Kompania e telefonisë mobile “ IPKO” ka dhuruar pajisje dhe mjete shëndetësore për sektorin e pediatrisë në QKMF “ Nënë Tereza” në Klinë. Kjo kompani ka përzgjedhur Klinën për këtë donacion si rezultat i bashkëpunimit të mirë në mes Komunës dhe “ IPKO”-s. Marrëveshjen për implementimin e këtij donacioni e kanë nënshkruar kryetari i Komunës së Klinës, Sokol Bashota dhe ai i Kompanisë “ IPKO”, Agron Kukaj. Ky donacion është i mirëseardhur për sektorin e pediatrisë për të ofruar shërbime sa më të mira për qytetarët.