Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vetëm disa ditë pas nënshkrimit të një marrëveshjeje strategjike 25-vjeçare me Pekinin, kryetari i Iranit, Ibrahim Raisi, qëndroi në Rusi për të përfunduar një marrëveshje të ngjashme, një tregues se prioritet i është dhënë vendeve aziatike dhe fqinje. Para se të largohej nga kryeqyteti, Teherani, presidenti iranian e përshkroi vizitën e tij në Moskë si “një moment historik i rëndësishëm në zhvillimin e marrëdhënieve dypalëshe në nivele të ndryshme”, duke shtuar se marrëdhëniet e vendit të tij me Rusinë do t’i jepnin fund unilateralizmit në botë. Megjithëse se marrëdhëniet tregtare dhe ekonomike ishin “të pakënaqshme” për palën iraniane dhe ruse, Raisi shprehu shpresën se vizita e tij do të kontribuonte në forcimin e tyre. Ali Shamkani, sekretari i Këshillit të Lartë të Sigurisë Kombëtare të Iranit, tha se bashkëpunimi afatgjatë dypalësh ishte “baza për përvoja të reja të suksesshme”. Në postimin e tij Shamkhani shkroi se bashkëpunimi iranio-rus në nivel rajonal dhe ndërkombëtar ka çuar në kolapsin e veprimit të njëanshëm të Shteteve të Bashkuara të Amerikës, në rajonin e Azisë.
