Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryeministri Isa Mustafa ka reaguar pas dështimit të seancës konstituive të Kuvendit, duke e quajtur Lëvizjen Vetëvendosje si përgjegjëse të vetme për këtë situatë. Ai kritikoi edhe disa “ekspertë kushtetues” që, sipas tij, po e shtrembërojnë qëllimisht Kushtetutën. Mustafa tha se Kushtetuta është e qartë dhe nuk lejon që një person të jetë njëkohësisht deputet dhe ministër. Ai akuzoi Vetëvendosjen për shkelje të Ligjit për Qeverinë, duke pretenduar se po e përdorin ligjin për qëllime selektive. Sipas tij, vota kundër në Kuvend nuk ishte bllokuese, por kishte për qëllim zbatimin e ligjit. Mustafa kërkoi që zyrtarët që s’mund të ushtrojnë dy funksione të zëvendësohen. Ai shtoi se Kosova ka përvoja pozitive kur Kushtetuta është respektuar. Në deklaratën e tij, Mustafa paralajmëroi për rrezikun e keqpërdorimit të autoritetit publik.
