Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Lidhjes Demokratike të Kosovës, Isa Mustafa, ka thënë se është vet qeveria ajo e cila ia ka mundësuar kryetarit, Hashim Thaçi, udhëheqjen e dialogut me Serbinë. Përmes një postimi Mustafa ka shkruar se, në fillim të këtij viti Kuvendi propozoi një platformë për dialogun Kosovë-Serbi, e cila sipas tij, u bë pa asnjë përmbajtje, veç asaj se, aty shkruante që, dialogun duhet ta udhëheqë Presidenti i Kosovës. Në fakt qeveria ishte e vetëdijshme se është e pakicës, se nuk ka vota e as fuqi politike për një marrëveshje të tillë. Këtë ia bëri të qartë opozita. Për këtë sjellje kjo qeveri është dashur të japë dorëheqje e jo të manovrojë me dialogun si instrument i mbijetesës. Marrëveshja përfundimtare me Serbinë duhet të ndodhë duke bazuar në Kushtetutën e Republikës së Kosovës, duke pasur parasysh efektet e saj për shtetësinë e Kosovës por edhe për regjionin. Marrëveshja mund të bëhet vetëm me një pajtueshmëri te gjere të forcave politike në Kosovë, me legjitimitet politik e kushtetues, pas zgjedhjeve nacionale.
