Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish -ambasadori amerikan në Kroaci dhe në Serbi William Montgomery ka shprehur frikë se mund të ketë konflikte të reja në Ballkan, pasi atje asnjë nga problemet në nuk është zgjidhur. Dhe problemi më i keq është se nuk tërheq më vëmendjen e botës. Unë mendoj se në vitet 1990 ky ishte vendi kryesor në botë në të cilin u përqëndruan udhëheqësit tanë. Kjo nuk ndodh më sot, dhe nuk besoj se këto shtete mund t’i zgjidhin problemet që i mundojnë vetë. Nga të gjitha anët, ndjenjat janë aq të trazuara sa unë nuk shoh një zgjidhje, tha Montgomery, për një medium kroat. Ai saktëson se Bashkimi Evropian nuk po jep ndihmën dhe mbështetjen që duhet për të gjithë rajonin e Ballkanit. “Unë mendoj se njerëzit këtu janë disi prapa vendeve të tjera evropiane në qëndrimet e tyre. Nuk duhet harruar se Gjermania dhe Franca kishin qenë në luftë me shekuj dhe u ndalën vetëm pas Luftës së Dytë Botërore. Kjo do të ndodhë edhe me këtë rajon, por do të duhet kohë, “tha Montgomery. “Ne kemi nevojë për mbështetjen e plotë të Perëndimit, Shteteve të Bashkuara dhe BE -së që këto ndryshime të ndodhin me kalimin e kohës,” tha ish -ambasadori amerikan. (Al-Xhazira)
