Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryetarja e Mianmarit, e vetëquajtur demokrate, madje fituese e çmimit Nobel për paqe nga Evropa, Aung San Ki, u dënua me shtatë vjet të tjera burg, pasi seria e saj e gjatë e gjyqeve përfundoi të premten dhe ajo do të përballet me më shumë se tri dekada prapa grilave. Ajo u burgos nga ushtria që mori pushtetin gjatë vitit të kaluar, pas trazirave në vend dhe terrorit e gjenocidit që kreu Qeveria e saj në Mianmar kundër qindra mijëra myslimanëve Rohingja në vendin e tyre. Edhe pse dënimi nuk ka të bëjë me gjenocidin e etnocidin, kundër myslimanëve, zonja Aung San, 77 vjeçe, është dënuar për çdo akuzë të ngritur kundër saj, duke filluar nga korrupsioni deri te posedimi i paligjshëm i pajisjeve të komunikimit, si dhe shpërfillja e kufizimeve të virusit korona.. Më 30 dhjetor ajo u dënua më shtatë vjet të tjera burg për pesë akuza për korrupsion në lidhje me punësime, mirëmbajtjen dhe blerjen e një helikopteri për një ministër të qeverisë, rast në të cilin ajo dyshohet se i shkaktoi “një humbje shtetit”. Aung San Ki e dënuar me një total prej 33 vjetësh burg pas 18 muaj të proceseve gjyqësore.
