Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kongresisti amerikan Jerry Weller, para studentëve të kolegjit AAB ka mbajtur sot një ligjëratë me temën “Politika aktuale amerikane”, por që ka folur edhe situatën politike në vend, taksën e vendosur ndaj produkteve serbe dhe boshnjake, si dhe qeverinë e re. Weller tha se në botë ideale nuk ka nevojë për taksa, por që tha se Serbia në vazhdimësi ka punuar kundër procesit të njohjes së Kosovës. Ish-kongresisti ka uruar Qeverinë e re të Kosovës, derisa ka përgëzuar edhe partitë që kanë qenë në pushtet e që e kanë pranuar humbjen. Weller tha se gjatë vizitës në Kosovë, pyetja më e shpeshtë që i bëhet nga të rinjtë e vendit është se çfarë është mundësia ekonomike, e për këtë ai tha se Kosova duhet të punojë më shpejt në zhvillimin ekonomik. Ish-kongresisti amerikan u shpreh se inkurajon Qeverinë e Kosovës që të ecë përpara me agjendën ekonomike, në mënyrë që të krijohen vende të reja pune.
