Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryeshefi i PTK-së, Shyqyri Haxha, i ka reaguar kryeministrit Albin Kurti, i cili një ditë më parë është krenuar me këtë kompani publike. Ai ka vlerësuar se mburrja e kryeministrit me Telekomin e Kosovës është qesharake. Nuk mund të mburresh me një kompani apo menaxhment steril që ke vendosur vet dhe si qeveri i ke ndarë me dhjetëra miliona, keni larguar punëtorë nga puna, si dhe kualiteti i shërbimit është për t’u dëshiruar. Shikoni sa miliona i ka dhënë qeveria Kurti Telekomit, ka larguar mbi 300 punëtorë, kryesisht punëtorë vital. Qeveria duhej të krenohej me këtë kompani nëse do t’i jepte dividend shtetit. “Duhet të mburresh kur një kompani ia jap qeverisë dividend me qindra miliona, kur punëson njerëz dhe kur kualiteti i shërbimit është në nivel. Kjo kompani i ka dhënë mbi 400 milionë euro shtetit të Kosovës dhe ka punësuar mbi 1200 punëtorë, dhe shërbimet kanë qenë më të mirat në rajon në vitin 2009-2011”, ka theksuar, ish-kryeshefi i PTK-së, Shyqyri Haxha.
