Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish kryetari i Amerikës, Donald Trump ndihet i shqetësuar me vendimet e fundit të aleatëve perëndimorë, për të dërguar tanke në Ukrainë. Ai tha se këto veprime mund të shkaktojnë luftë bërthamore. “Së pari tanke, pastaj raketa bërthamore. Përfundoni menjëherë këtë luftë. Është kaq e lehtë!”, shkroi Trump në një postim të tij. Qeveria gjermane konfirmoi se do të dërgojë 14 tanke “Leopard 2” në Ukrainë dhe se do t’i lejojë vendet e tjera të eksportojnë automjete të rënda luftarake. Kryetari amerikan, Joe Biden deklaroi se Uashingtoni planifikon t’i sigurojë Kievit 31 tanke “Abrams”. Ai pretendon se “nuk bëhet fjalë për luftë kundër Rusisë, por për liri”, dhe se këto tanke “nuk nënkuptojnë një kërcënim për Rusinë”. Mbi 50 shtete deri më tani e kanë ndihmuar në forma të ndryshme shtetin ukrainas në luftën kundër pushtimit rus, i cili ka filluar më 24 shkurt të vitit të kaluar.
