Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-Sekretari i NATO-s, Lordi Xhorxh Robertson, ka paraqitur një qëndrim të fortë në një seancë të Komitetit të Punëve të Jashtme të Parlamentit britanik, ku u diskutua për zhvillimet në Kosovë dhe Serbi, duke përfshirë sulmin në Banjska. Ai theksoi nevojën për një qëndrim të ashpër ndaj Serbisë, duke thënë se “të jesh i ashpër me Serbinë shpaguhet” dhe se njerëzit në rajon e respektojnë forcën. Në bashkëbisedim, deputetja Alica Kearns po ashtu ndau shqetësimet e saj, duke përmendur mungesën e një qëndrimi të fortë ndaj Serbisë gjatë këtyre viteve. Robertson vuri në dukje se është e domosdoshme të jemi të fortë dhe të jemi të ashpër, sidomos duke theksuar nevojën për angazhim me opozitën serbe. Robertson, adresoi problemet e rritjes së nacionalizmit, ndërhyrjes së huaj, korrupsionit dhe kufizimeve të shtypit në rajonin e Ballkanit Perëndimor.
