Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ka disa vite që veprimtari i orëve të para për Pavarësinë e Kosovës, ish i burgosuri politik, Saqip Zymberi nga fshati Breznicë, përplitet sa andej këndej për kompensimin e viteve të burgut si të gjithë bashkëvuajtësit e tij. Të gjithë miqtë e burgjeve, çelive dhe vuajtjeve i kanë marrë të hollat, ndërsa shoku i ilegales dhe i celulave nuk po e gëzon këtë të drejtë ligjore.
Preteksti është, mungesa e shtetësisë së Kosovës! Si ka mundësi që shokët e tij të ngushtë në komision, nuk e kanë parasyshë faktin se bashkëshortja e Saqip Zymberit, është nga Kosova dhe bashkë me pesë fëmijët kanë shtetësinë Kosovës. Në fund të fundit, çka do ti kushtonte Kosovës, nëse këti burri i ipej shtetësia me procedurë të shpejtë përmes dekretit presidencial, bashk me një mirënjohje për kontributin
e tij të jashtëzakonshëm. Kjo do të ishte nderë për institucionet e Kosovës. Më e keqja është që për këtë rast nuk janë kujdesur as shokët e tij të ngushtë që në vazhdimësi kanë qenë në komisionet kompetente. Thjesht ka munguar interesimi për shokun e çelive, njeriun e vuajtjeve, të burgjeve dhe sakrificave të mëdha. Nuk ka asnjë justifikim tjetër që mund t’a mbuloj papërgjegjshmërinë e shokëve të tij të burgjeve. Saqip Zymberi është ndër të paktit të burgosur politik që nuk është kompensuar për vitet e burgut.
Ky patriot i kulluar dhe njeri human e i dashur për të gjithë, nuk është mbështetur nga askush, ani pse ky bënë gjithçka për të gjithë. Ndërkohë, jam informuar se shumë të tjerë, i kanë marrë të hollat në emër të grave të tyre me shtetësi të Kosovës. Për më tepër ka të tillë që edhe shtetësinë e kanë marrë përmes « kanaleve interene », ndërsa Saqipi jo se jo! Disa herë ka qenë në Kosovë, e kanë mashtruar, ka bërë shpenzime të mëdha, por nuk ka arritur ta gëzoi këtë të drejtë ligjore.
Kjo padrejtësi nuk ka emër tjetër përveç një turpi të pashlyer!
