Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Dëshmitari, Ismet Tara, gjatë paraqitjes në Hagë, në gjykimin që po zhvillohet kundër krerëve të luftës të UÇK-së, ka rrëfyer për tronditjen që kishte përjetuar kur kishte parë pa një dokument lidhur me marrjen në pyetje nga hetuesit e Gjykatës Speciale në vitin 2019. Ai tha se reagimi i tij ishte kishte qenë i befasishëm dhe tejet emocional. Kur fillova ta lexoj dokumentin, më kaploi frika dhe dridhja e trupit, andaj pyeta se kush janë këta kriminelë, derisa më qetësoi prokurorja dhe më tha se këto janë fjalët e tyre, e jo të miat, tha Ismet Tara në dëshminë e tij. Ai theksoi se pas leximit të dokumentit, kishte ndryshuar plotësisht mendimin për intervistuesit, gjyqtarët dhe prokurorët, duke i cilësuar ata si armiq të tij, të UÇK-së dhe të pavarësisë së Kosovës. Mu shtua frika edhe më shumë, sepse nuk më dhanë dokumentin. Nga ai dokument më kujtohen vetëm të zezat që janë përshkruar për mua si tradhtar i kombit dhe njëkohësisht si armik i Serbisë, ka thënë mes tjerash, luftëtari i lirisë, Ismet Tara, i njohur gjatë luftës si komandant Hoxha.
