“ISP Broadcast” shpërndanë 500 dhurata për fëmijë

28/12/2018 Institucionet

Kompania që ofron shërbime të internetit dhe kabllovikut “ISP Broadcast” me seli në Malishevë, me pronar Qëndrim Kryeziun, ka shpërndarë 500 dhurata për fëmijë. Këtë donacion, kompania e ka shpërndarë përmes Komunës së Malishevë, përkatësisht Drejtorisë për Shëndetësi dhe Mirëqenie Sociale. Nënkryetari i Komunës së Malishevës, Hajdin Berisha, e ka falënderuar kompaninë “ISP Broadcast” për këtë donacion për festat e fundvitit. “ISP Broadcast” ka zgjedhur që dhuratat të shpërndahen përmes Drejtorisë për Shëndetësi dhe Mirëqenie Sociale, me qëllim që dhuratat të shpërndahen për fëmijët e veteranëve të UÇK-së, të cilët kanë vdekur pas luftës, për fëmijët e nënave vetushqyese, pastaj për Handikos në Malishevë, shoqatën e verbërve dhe fëmijë të familjeve tjera në nevojë. Pas pranimit të këtij donacioni, nga ana e nënkryetarit të Komunës së Malishevës, Hajdin Berisha dhe drejtorit për Shëndetësi dhe Mirëqenie Sociale, Liridon Hotit, nënkryetari Berisha e ka falënderuar kompaninë “ISP Broadcast” për këtë donacion. “Çdo lloj ndihme dhe çdo formë e solidarizimit me këta fëmijë dhe këto familje ka domethënie të madhe”, tha Berisha. “Çdo familje, e sidomos çdo fëmijë e ndien që dikush, në një formë apo tjetër, përkujdeset për ta, dhe qëllim i yni është çdo fëmijë të jetë i gëzuar dhe të pres festat e fundvitit, sikur të gjithë fëmijët e tjerë, pasi të gjithë kanë të drejtë të jenë të gëzuar dhe duhet të jenë të barabartë”, ka thënë Qëndrim Kryeziu, pronar i kompanisë “ISP Broadcast”, pas dhurimit të këtij donacioni për fëmijë.

Kontrolloni gjithashtu

Kryetari Ramosaj me bashkëpunëtor vizituan Shkollën Fillore “Lan Selimi” në Lumbardh

Kryetari i Komunës së Deçanit, Bashkim Ramosaj së bashku me nënkryetarin e Komunës, Sami Cacaj …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara