Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Tanimë vatra jonë arsimore e kulturore “Shkolla Shqipe” në Zvicër po ecën gjithnjë e më shumë, gjithnjë e me hapa më të sigurt drejt sukseseve të lavdërueshme e mbështetur fort në tabanin e kulturës së mirëfilltë shqiptare e në gjuhën e mrekullishme shqipe.
Gjithnjë e më shumë po hapen dyert e shkollave në Zvicër edhe për mësimin e gjuhës shqipe e kulturës shqiptare, sepse po punohet e veprohet me seriozitet e përkushtim të madh, duke u rreshtuar mirëfilli tek ato vlera të shkëlqyera botërore që përbëjnë emancipimin e kulturimin njerëzor.
Puna me kaq përkushtim e profesor dr. Vaxhid Sejdiut, së bashku me mësimdhënës të tjerë shqiptarë nga të gjitha viset shqiptare është jo vetëm arsimore, por edhe kulturore e patriotike duke pasur në zemër e në shpirt pasurinë e shkëlqimin e gjuhës së pastër shqipe, si pasuria më me vlerë e popullit shqiptar, e të gjithë pjesëtarëve të tij, kudo që jetojnë e punojnë.
Në këtë drejtim po vihen në lëvizje, institucionet dhe mekanizmat shoqërorë, qoftë shqiptare qoftë edhe këto zvicerane.
Gjuha ruhet aty mësohet e aty ku veprohet me përkushtim. Në këtë drejtim padyshim vatra jonë arsimore: “Shkolla Shqipe” ka shkëlqyer edhe kohët e fundit, duke hapur shumë klasa, duke çelur shumë dyer shkollash në Zvicër.
Është një kënaqësi e një hare e madhe, kur shikojmë e dëgjojmë që po gjendet gjithmonë e më i frytshëm mirëkuptimi me familjet shqiptare e si rrjedhojë e kësaj gjendje po vihet në jetë vendosmëria e tyre për t’i çuar fëmijët në klasat e varës sonë: “Shkolla Shqipe” në Zvicër.
Kështu këto kohët e fundit u hap edhe një klasë për mësimin e gjuhës e kulturës shqiptare në Rotkreuz, komuna Risch në kantonin Zug. Në këtë shkollë mësimin e gjuhës dhe kulturës shqiptare e jep mësimdhënësja e nderuar Lumnije Klinaku Neziri, një mësuese e përkushtuar ndaj punës e veprimtarisë arsimore, ndaj gjuhës dhe kulturës shqiptare. Mësimi zhvillohet çdo te mërkurë nga ora 13.15-15.00
Në fund i urojmë përzemërsisht, mësimdhënëses Lumnije Klinaku Neziri, suksese të njëpasnjëshme dhe harmoni në punën arsimore e edukative!
