Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Dje ndoshta shoqëria jonë u mur shumë për një mendim ndryshe në subjektin politik të VV-së, thua se individi është mëkat të ketë mendim disonant nga partia e tij edhe kur mund mos t’ia qëlloj?! Duke harruar se idetë e kundërta i dhënë shpirt e jetë demokracisë dhe i shpien përpare proceset shoqërore e ekonomike. Heshtja e servilizmi të gjithë e pamë se ku të shpie! Mos të harrojmë se shoqëria është demokratike aty ku ka: – Sundim të ligjit, – Ekonomi konkurrente, – Tregti të lirë, – Ndarje te pushteteve, – Liri individuale të njeriut e të grupeve etnike, – Media të lira, profesionale e oponente ndaj pushtetit, – Mendim e ide konkurrente, pa kornizat partiake, ku dikush nga opozita mund edhe të mos pajtohet me veprimin opozitar për heqjen e rrethojave dyfishta! Të cilën gjë edhe e quan “pasqyrë jo e mirë”?! Për ketë opozitar, grilat e dyfishta janë “demokratike” dhe pasqyrë e “shkëlqyer”?! – Është interesant, pse dikush nga pozita, nuk pat mendim të lirë dhe guxim intelektual për të thënë: Rrethojat mbi rrethoja nuk është pasqyrë e mirë as për shqiptarët e as për demokracinë tonë të brishtë e as për shtetin?! Nuk tha se me ato grila mbi grila, ndërtesa e qeverisë po ngjason me kopshtin zoologjik?! Nuk thanë: mos e keqpërdorni policinë e gjyqësorin për të përndjekur opozitën?! Pse kaq shumë frikë për të thënë të vërtetën? – Pse dikush nga pozita nuk tha: Ku u treten gati 10.000 km2? Pse lejuat sovranitetin e dyfishtë në Kosovë? Po Zajednica? Pse me bisedime po e bëni Serbinë hisedarë në pasurinë e Kosovës? E të ngjashme. Ndoshta pse pozita duhet jetë unike edhe kur dëmtohet rëndë sovraniteti i shtetit?! Qeveritarët tanë i dhanë impulse Serbisë në drejtim te integrimeve?! Kosovës ia lan getoizimin. Ajo nuk mori asnjë infuzion?! – Pse pozita duhet të jetë kaq unike? Përgjigja mund të jetë: Pse mendimi, besa edhe veprimi për shkak te interesave “private te qeveritarëve” duhet të kenë mendim uniformë! – Pse opozita është kaq e çakorduar? Përgjigja: Pse debati ende nuk është vërë në shërbim te ndryshimit te qeverisjes e të shtetit të se drejtës, por në shërbim te liderizmit jo serioz?! Opozita duhet të çlirohet nga egoizmi, ajo duhet të bashkoj çdo ide, mendim e veprim opozitar me parti e pa parti. Ndryshimi, zhvillimi, qeverisja e mirë dhe shteti i se drejtës duhet të jenë qëllimi , nëse opozita donë t’i shërbej publikut dhe Republikës.
Jakup Krasniqi: Solidarizim me viktimat e gjenocidit të të ashtuquajturit shtet islamik
E quajtën pa ngurruar ” Pranverë Arabe” e ajo na doli të jetë një kataklizëm për miliona arabë të pa mbrojtur nga ata që thirren ne emër të Allahut! Shumëkush në botë nxiti, bëri thirrje dhe ndihmoj në forma të ndryshme, individ e grupe që ta përhapnin “Pranverën …” Pranverë që shkatërroi e po shkatërron çdo vlerë njerëzore që u krijua ndër shekuj. Po shkatërron kulturën e civilizimit botëror, të cilën kulturë nuk e shkatërruan asnjë luftë (as para e as pas erës sonë), krejt deri në shekullin e XXI! Shekulli që ka mundësi e obligim ta mbroj çdo lloj të trashëgimisë kulturore e fetare. Këtu shtrohet pyetja, nëse arabët i ruajtën ato vende kulturore të sumerëve, persëve, asirasëve, babilonasve e të fenikasve, krejt deri në shekullin e XXI, çka e si ndodhi kjo tani? Si është e mundur që ky rrenim i krijuar nga njeriu ndër shekuj dhe shumë vlera të djeshme e të sotme, të shfaqet me kaq shumë vandalizëm. Si ndodhi që kjo formë ndër më antinjerëzoret të ndodhë në shekullin XXI?
Kush mund të përgjigjet se si ndodhi lindja e monstrumi me emrin Shteti Islamik në djepin e civilizimeve më të vjetra të rruzullit tonë: në atdheun e sumerëve, asirasëve, babilonasve e të fenikasve?
Ekzekutimi me prerje koke i arkeologut sirian Khaled Assad (82 vjeçar!) vetëm e vetëm pse nuk pranonte të tregonte se ku ishin fshehur disa vepra me vlerë të madhe të trashëgimisë kulturore nga antikiteti i qytetit Palmyr është domethënës për vandalizmin dhe synimet e këtij shteti terrorist.
Nuk është e vështirë të dihet se në mbrojtje të kujt bëhet kjo luftë? Cilat interesa mbron kjo krijesë monstuoze që është bërë tmerr për popujt e asaj pjese të globit. Kush mund të jetë indiferent ndaj eksodit të dhimbshëm të popujve të asaj pjese të botës që mediet e kanë kufizuar vetëm në eksodin sirian? I ashtuquajturi Shteti Islamik aplikon gjenocid ndaj çdo gjëje që është ndryshe prej sektës së tyre. Ata synojnë të shkatërrojnë çdo grup fetar, racor, etnik apo kombëtar që dallon nga botëkuptimi i tyre.
Nuk do ta kisha zgjatur më shumë sepse për këtë realitet tragjik mediet kanë informuar gjerësisht. Atë që dëshiroj të bëj publik përmes këtij shkrimi të shkurtër lidhet me qëndrimet që ne duhet të mbajmë rreth kësaj tragjedie njerëzore. Ne shqiptarët që patëm fatin e keq të ballafaqohemi me politikë gjenocidale në fund të shekullit XX duhet të gjejmë format adekuate që me “kaçikun” tonë të dëshmojmë solidaritetin ndaj viktimave të gjenocidit të të ashtuquajturit Shtet Islamik.
