Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në shenjë përkrahjeje me gazetarin shumëvjeçar të RTK-së, Sylejman Gashi, ish kryekuvendari i Kosovës, Jakup Krasniqi ka kërkuar mbështetje financiare nga RTK-ja dhe Qeveria e Kosovës për këtë gazetarë që raportonte nga Nju Jorku e Uashingtoni. “Ai është në gjendje kome. Familja e ka të vështirë që t’i përballojë shpenzimet e mëdha dhe në një situatë të tillë, në shenjë mirënjohje për kontributin e tij për lajmet dhe raportet e shumta që na i solli nga SHBA-të për Kosovën, për raportet që i dha nga Amerika për delegacionet e shumta qeveritare, meriton një përkujdesje tjetër nga këto institucione. Por përkujdesën kryesor e meriton nga Televizioni publik dhe një mbështetje më të fuqishme nga AGPK-ja, pasi nevoja për mbështetje e solidaritet shoqëror e njerëzor, mund t’i duhet secilit nga ne, në secilën ditë të vitit! Në gjendjen shëndetësore në të cilën gjendet punëtori shumëvjeçar i RTK-së, më se paku ajo që duhet ta bënë kjo e fundit do të duhej të ishte, hapja e një llogarie rrjedhëse humanitare për të ndihmuar Raportuesin nga SHBA-të, Syleman Gashin. Nëse ketë nuk e bënë RTK-ja, atëherë, atëherë llogaria le ta hapë familja, ndërsa RTK-ja le ta bënte njoftimin e përditshëm!
Do të ishte krejt e natyrshme që në një rast të tillë, të kontribuonte edhe Qeveria e Kosovës, e cila gjatë gjithë këtyre viteve e ka pasur përkrahjen e tij të përkushtuar! Le të shpresojmë që ndihma solidare e gazetarëve, e qeverisë dhe e publikut tonë nuk do të mungoj! Ndërsa Sylemanit i dëshirojmë përmirësim dhe kthim në jetë, në gjirin familjar dhe në punët e përditshme! Solidariteti na duhet të gjithëve”!
