Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryekuvendari, Jakup Krasniqi në një postim të tij ka reaguar në një deklaratë të kryetarit aktual të Kuvendit Kadri Veseli, i cili ka thënë se “dikush po dëshiron ta bëjë Kosovën si në Siri”. Krasniqi thotë se “të jesh në krye të institucioneve të larta të shtetit, përveç që është një lloj privilegji, konsideroj që është shumë më shumë, përgjegjësi, përgjegjësi jo vetëm për familjen tënde, grupin tënd a partinë që e drejton. Është përgjegjësi për afër dy milionë qytetarët e Kosovës dhe për gjithë diasporën, që është e lidhur ngushtë me atdheun e të gjithë atyre që kanë origjinë nga Kosova. Nëse kryetari i Kuvendit dhe kryeministri dhe çdo institucion tjetër i sigurisë kombëtare, janë të obliguar që t’i marrin masat parandaluese kundër secilit që i “pëlqejnë skenat e Sirisë”. Nëse është thënë sa për të thënë, është gabim i madh. Vërtet, kujt po i “pëlqejnë skenat e Sirisë”?! Nuk e di kujt i drejtohet kjo, por pse nuk është vendi të thuhet e nuk ka asnjë argument, jam më se i bindur, ka shkruar mes tjerash ish-kryetari i Kuvendit të Kosovës, Jakup Krasniqi, aktualisht kryetar i Këshillit Kombëtar të Nismës për Kosovën.
