Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Amerika dhe BE-ja po ndezin një fitil ballkanik, duke ushtruar presion mbi Kosovën për formimin e Asociacionit të komunave me shumicë serbe, tha analisti amerikan Janus Bugajski Në një shkrim për “The Geopost” ai ka thënë se ithtarët e asociacionit pretendojnë se nuk do të cenojë kushtetutën e Kosovës, por sipas tij një gjë e tillë në praktikë mund të ketë pasoja serioze negative. Edhe pse ithtarët e AKS-së pretendojnë se ajo nuk do të cenojë kushtetutën e Kosovës dhe as nuk do të kërcënojë pavarësinë e saj dhe institucionet demokratike, në praktikë ajo mund të ketë pasoja serioze negative si në vend ashtu edhe në rajon”, ka shkruar Bugajski. “Në të njëjtën kohë, Beogradi minon integritetin e Kosovës përmes institucioneve të saj ‘paralele’ në veri të vendit dhe ndërhyn drejtpërdrejt në politikën e Kosovës duke kontrolluar Listën Serbe, partinë që ka kompetenca joproporcionale në parlament dhe ministra të garantuar në qeveri. Subversioni është gjithashtu i dukshëm në rrjetet kriminale ndërkufitare, dezinformimin mediatik dhe lehtësimin e depërtimit rus”, ka shkruar Bugajski.
