Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i SBASHK, Rrahman Jasharaj, ka bërë thirrje që Qeveria e ardhshme të mos formohet vetëm nga një subjekt politik, duke kërkuar më shumë bashkëpunim me sindikatat dhe trajtim të drejtë të kërkesave të tyre. Jasharaj ka shprehur shqetësimin për vonesat në numërimin e votave të zgjedhjeve të 9 shkurtit, duke theksuar se kjo situatë po ndikon në vonesën e konstituimit të institucioneve të reja të Kosovës, çka krijon probleme shtesë për sektorin publik. Ai ka kritikuar Qeverinë në largim për mungesën e dialogut me sindikatat dhe ka paralajmëruar se, nëse Qeveria e re nuk angazhohet për dialog të sinqertë dhe nuk merr parasysh kërkesat e SBASHK-ut, nuk përjashtohet mundësia e protestave dhe grevave. Një nga kërkesat kryesore të SBASHK-ut mbetet nënshkrimi i kontratës kolektive, që mungon tash e pesë vite, si dhe rritja e vlerës së koeficientit të pagave.
