Javë e mbushur me aktivitete për shënimin e 20-vjetorit të çlirimit të Malishevës

10/06/2019 Institucionet

Përgatitjet për shënimin e 20-të vjetorit te çlirimit të Malishevës, janë duke vazhduar, ndërsa aktivitete të ndryshme do të zhvillohen gjatë tërë javës. Kështu u tha në mbledhjen e rregullt të Këshillit të Drejtorëve në Komunën e Malishevës, mbledhje e cila është drejtuar nga kryetari Ragip Begaj. Drejtoresha e Drejtorisë për Kulturë, Rini dhe Sport, Besartë Kryeziu-Ramaj, gjatë raportimit në mbledhje, ka deklaruar se “gjatë tërë javës do të ketë aktivitete të ndryshme, kulturore dhe sportive, në kuadër të shënimit të 16 Qershorit-Ditës së Çlirimit dhe Ditës së Dëshmorëve të Komunës së Malishevës”. Sipas saj, aktivitetet kryesore, do të mbahen të dielën, më 16 Qershor, të cilat do të fillojnë me pritjet në zyrën e kryetarit, pastaj përurimin e kompleksit memorial të Masakrës së Burimit, për të vazhduar me mbledhjen solemne, i cili është aktiviteti kryesor, pastaj me homazhe dhe nderime në vendet me rëndësi historike të luftës së UÇK-së, dhe për të përfunduar me koncertin tradicional në qendër të qytetit dhe përfundojnë me ndezjen e fishekzjarrëve. Përndryshe, në mbledhjen e sotme të Këshillit të Drejtorëve, përgjegjësit e drejtorive komunale, kanë raportuar për aktivitetet e tyre, ku është bërë e ditur se gjatë javës pritet të përfundojnë procedurat për shumë projekte kapitale, pastaj përgatitjet për mbajtjen e testit të maturës, përfundimi i vitit shkollore dhe përgatitjet për fillimin e vitit të ardhshëm shkollor, përkatësisht për regjistrimin e nxënësve në klasat e dhjeta dhe klasat e para. Sa i përket situatës epidemiologjike me EHKK, drejtoritë përkatëse thanë se janë duke vazhduar me fushatën e dezinsektimit dhe pavarësisht rasteve të thumbimeve, nuk ka asnjë rast të infektuar me EHKK.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara