Jehona Lushaku-Sadriu: Qeveri bllokadash!

12/03/2025 Institucionet

Nënkryetarja e komunës së Prishtinës dhe drejtoresha e Arsimit, Jehona Lushaku-Sadriu ka reagur përmes rrjetit social facebook, me rastin e vendimit të Inspektoratit të Trashigimisë Kulturore të Ministrisë së Kulturës Rinisë dhe Sportit për ndalimin e punimeve në projektin e Sheshit “Xhorxh Bush”në Prishtinë.

Postimi i plot i saj:

Ministri Hajrullah Çeku sot komentoi për fituesit e zgjedhjeve, por në të njëjtën kohë dha urdhër për t’i ndaluar punimet në projektin e Sheshit “Xhorxh Bush”në Prishtinë.

Të jesh fitues i zgjedhjeve nuk do të thotë të keshë të drejtën të bllokosh projekte në nivele komunale, mbasi partia jote nuk qeveris në atë komunë. Ky veprim i Ministrit Çeku tregon më së miri se si e kuptojnë pushtetin në VV: pra, si një mundësi për të bllokuar çdo iniciativë dhe projekt të partive të tjera, qoftë edhe nëse me këtë i ndëshkojnë qytetarët e këtij vendi, në këtë rast të kryeqytetit të Kosovës.

Fakti që ata e përkthejnë pushtetin në një mjet për të penguar zhvillimin e projekteve për qytetarët e Kosovës është një tregues i qartë i mënyrës se si kjo Qeveri e Vetëvendosjes e përdor pushtetin për interesa të ngushta partiake.

Kjo është një dëshmi e plotë e mentalitetit që dominon në VV: bllokada dhe pengesa për çdo iniciativë që nuk është e tyre.

Për keqardhje!

Kontrolloni gjithashtu

Komuna e Malishevës me ueb faqe të re

Komuna e Malishevës ka njoftuar të gjithë qytetarët e komunës dhe të tjerët se nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara