Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari i Përgjithshëm i NATO-s, Jens Stoltenberg, tha se mirëpret sinjalet se Rusia mund të jetë duke shikuar që ta zgjidhë krizën me Ukrainën në mënyrë diplomatike, por i bëri thirrje Moskës që të demonstrojë se është e gatshme që të veprojë. “Ka sinjale nga Moska se diplomacia duhet të vazhdojë. Kjo na jep hapësirë për optimizëm të matur. Por, deri më tani nuk kemi parë asnjë shenjë të shtensionimit të situatës në terren nga pala ruse”, tha Stoltenberg para një takimi dyditor në Bruksel, ku do të takohen ministrat e mbrojtjes së Aleancës. Ministrat e mbrojtjes të NATO-s do të takohen edhe me ministrat e Ukrainës dhe Gjeorgjisë për të diskutuar tensionimit e situatës në rajonin e Detit të Zi. Në takim do të marrin pjesë edhe ministrat e Finlandës, Suedisë dhe përfaqësuesit e Bashkimit Evropian. Rusia ka grumbulluar forca ushtarake në dhe përreth Ukrainës në një shkallë të paprecedentë që prej Luftës së Ftohtë. Gjithçka është gati për një sulm të ri. Por, Rusia ka ende kohë që të tërhiqet, të ndalojë së përgatituri për një luftë dhe të punojë për zgjedhje paqësore të situatës”, tha Stoltenberg.
