Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori Ekzekutiv i Institutit për Studime Evropiane dhe Globale, Jeton Halimi, në një intervistë për Euronews Albania, foli në lidhje me situatën në Kosovë dhe marrëdhëniet që kërkon të krijojë kryeministri i Kosovës, Albin Kurti me shqiptarët në rajon. Ai theksoi se kryeministri i Shqipërisë, Edi Rama e fali Albin Kurtin që u fut në zgjedhjet e Shqipërisë, por kjo nuk do të lejohet të ndodhë në Maqedoninë e Veriut. Nëse ai përpiqet edhe njëherë të marrë pjesë në zgjedhjet e Maqedonisë së Veriut, do të arrestohet nga autoritetet ligj-zbatuese. Kurti u fut dhe te zgjedhjet e Shqipërisë por, që ishte i pasuksesshëm. Rama në një mënyrë e fali. Në Maqedoni ishte herën e kaluar por mori mesazhin e qartë nga institucionet, që edhe njëherë nëse futet atje, mund të arrestohet nga organet ligj-zbatuese. Mendoj se nuk është koha që Albin Kurti të shkaktojë përçarje, asnjë lëvizje vetëm e vetëm për të qenë një “sulltan’ në vendet ku ka shqiptarë. Këto veprime nuk i bëjnë mirë as Kosovës dhe as shtetit ku janë shqiptarët. E vetmja parti që përfaqëson shqiptarët në Maqedoni është Ali Ahmeti. Nëse nuk do ishte ai shqiptarët nuk do i kishin ato të mira siç i kanë tani në Maqedoni”, tha drejtori Ekzekutiv i Institutit për Studime Evropiane dhe Globale, Jeton Halimi.
