Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari amerikan i Mbrojtjes, Jim Mattis, thotë së Shtetet e Bashkuara të Amerikës nuk do të përjashtojnë veprimet ushtarake kundër Sirisë. “Gjëja e parë që duhet të shqyrtojmë është se përse ende përdoren armë kimike, kur Rusia ishte garantuesi për heqjen e të gjitha këtyre armëve”, tha Mattis sot gjatë një takimi në Pentagon me sheikun e Katarit al-Thani, raporton Zëri i Amerikës.
Ai iu tha gazetarëve se SHBA-ja po punon me aleatët dhe partnerët nga Nato-ja në Katar dhe kudo tjetër, me qëllim për ta trajtuar këtë çështje. Ndërkohë që mbrëmë vonë, Shtëpia e Bardhë tha se presidenti Trump dhe ai francez, Emmanuel Macron, dënuan ashpër sulmet kimike në Siri si dhe ranë dakord që qeveria e Asadit duhet të mbajë përgjegjësi “për abuzimet e vazhdueshme me të drejtat e njeriut”. Takimi i tyre u përmbyll me dakordësinë për të shkëmbyer informacione lidhur me natyrën e sulmeve, dhe me koordinimin e afërt të një përgjigjeje “të fortë”. Këshilli i Sigurimit të Kombeve të Bashkuara do të takohet për të diskutuar reth sulmit të supozuar sot, dhe kjo vjen pas kërkimit të shumë vendeve për një seancë urgjente.
