Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Disa medie e portale në Kosovë kanë publikuar një lajm, ku thuhet se Ambasada e Hungarisë, në Prishtinë, ka organizuar shënimin e 60-vjetorit të Pavarësisë. Hungaria në të kaluarën ka qenë shtet i përbashkët me Austrinë dhe këto dy shtetet kanë përbërë Perandorinë e njohur të Hapsburgëve, të Austrohungarisë, deri në luftën e Parë Botërore, në vitin 1914. Realisht, 60-vjetori ka të bëjë me kryengritjen e një pjese të popullit hungarez kundër Bashkimit Sovjetik, i cili shteteve komuniste u kishte cunguar pavarësinë. Në vitin 1956 studetët, punëtorët dhe popullata liridashëse e Budapestit kishte organizuar kryengritje kundër qeverisë prosovjetike, por pas një kohe të shkurtër armata ruse kishte depërtuar me tanke në kryeqytet dhe kishte shpallur gjendjen e jashtëzakonshme. Qinda hungarezë ishin vrarë gjatë protestave dhe mijëra të tjerë ishin burgosur dhe kishin ikur nga vendi. Prej vitit 1956 e deri në vitin 1989, Hungaria ka qenë pjesë e bllokut lindor dhe e Traktatit të Varshavës. Pavarësinë e plotë nga Rusia e ka fituar në vitin 1989, me rastin e fillimit të shpërbërjes së Bashkimit Sovjetik.
