Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-nënkryetari amerikan, Joe Biden tha se të gjithë njerëzit në Bosnjë dhe Hercegovinë duhet të vazhdojnë për të luftuar për të ardhmen, pasi kanë mbijetuar gjenocidin. Të gjithë duhet ta dinë këtë histori. Ju keni dhënë shumë sakrifica për një qëllim, ka thënë Biden, gjatë një ceremonie në Uashington, ku Këshilli i Bosnjës dhe Hercegovinës atij i dha një shpërblim jetësor. Këshilli për Bosnjë dhe Hercegovinë është një organizatë e pavarur jofitimprurëse, dedikuar për avancimin e interesave të boshnjakëve në Shtetet e Bashkuara të Amerikës dhe punon për t’i përmirësuar marrëdhëniet mes Amerikës dhe Bosnjë e Hercegovinës. Këshilli udhëhiqet nga Mirzet Haxhikadiq. Biden tha në fjalimin e tij se në Bosnje dhe Hercegovinë nuk ishte një luftë civile, por është kryer një gjenocid i planifikuar. Ju të gjithë e kuptoni vonesën pafalshme, arsyet për mos-përgjigje, si çdo herë kur bota ka dështuar për të ndërhyrë. Ju keni mbijetuar. Ju keni humbur familjet tuaja. Ju keni humbur shtëpitë tuaja. Ata luftuan për të ruajtur dinjitetin e tyre. Kjo nuk ishte një luftë civile. Ky ishte një gjenocid, i planifikuar dhe ka ndodhur para syve të gjithë shteteve të Evropës, tha Biden në fjalimin e tij.
