Përfaqësuesi i Lartë evropian, Josep Borrell, ka kërkuar që Kosova dhe Serbia të angazhohen në dialogun e ndërmjetësuar nga BE-ja në mirëbesim dhe në frymën e kompromisit. Ai theksoi rëndësinë e përfundimit të dialogut “pa vonesë me një marrëveshje gjithëpërfshirëse, ligjërisht të detyrueshme për normalizimin e marrëdhënieve në përputhje me acquis e BE-së dhe të drejtën ndërkombëtare”. Pas takimit me ministrin e jashtëm serb, Marko Gjuriq, në Bruksel, Borrell rikujtoi se rruga evropiane e Kosovës dhe Serbisë kalon përmes dialogut dhe zbatimit të Marrëveshjes për normalizimin e marrëdhënieve. Ai gjithashtu kërkoi nga Serbia të harmonizohet plotësisht me politikën e BE-së ndaj Rusisë, duke përfshirë masat kufizuese, për të demonstruar orientimin strategjik dhe përparimin drejt anëtarësimit në BE.
Kontrolloni gjithashtu
Instituti Robert Lansing, përmes një analize trajton manovrat e kryetarit serb, Vuçiq, për të destabilizuar Kosovën
Instituti Robert Lansing, analizoi manovrat politike presidentit serb, Vuçiq, për të destabilizuar Kosovën, veçanërisht përmes …