Nga një deklarate me shkrim, publikuar nga zyra e Përfaqësuesit të Lartë të BE-së për Punë të Jashtme dhe Politikë të Sigurisë, Josep Borrell, bëhet e ditur se ai është takuar në New York me liderët e vendeve të Ballkanit Perëndimor në kuadër të sesionit të 78-të të Asamblesë së Përgjithshme të Kombeve të Bashkuara. Me këtë rast Bashkimi Evropian ka përsëritur angazhimin e tij për të mbështetur vendet e Ballkanit Perëndimor në rrugën e tyre drejt anëtarësimit dhe ka bërë thirrje për pajtueshmëri me të gjitha politikat e jashtme dhe të mbrojtjes të BE-së Në takim morën pjesë kryetari i Shqipërisë, Bajram Begaj, kryetarja e Kosovës, Vjosa Osman, kryetari i Serbisë, Aleksandar Vuçiq, ai i Malit të Zi, Jakov Milatoviq, anëtari kroat i Këshillit Presidencial të Bosnjë dhe Hercegovinës, Zheljko Komshiq, dhe kryetari i Maqedonisë së Veriut, Stevo Pendarovski. Përfaqësuesi i lartë i BE-së, Josep Borell nënvizoi mbështetjen e tij ndaj liderëve në luftën me probleme të tilla si “agresioni rus, siguria energjetike dhe ushqimore dhe ndryshimet klimatike”, si dhe i informoi se pret që ata të jenë plotësisht në pajtueshmëri me politikat e jashtme dhe të mbrojtjes të BE-së.
![Josep Borrell, u takua në New York me liderët e vendeve të Ballkanit Perëndimor, në sesionin e 78-të të Asamblesë së Përgjithshme të OKB-së](https://www.radiokosovaelire.com/wp-content/uploads/376280848_854057656078775_1677968840115621630_n-660x330.jpg)