Ka filluar aktiviteti “Dyert e hapura” në shkollat profesionale të komunës së Suharekës

23/04/2018 Institucionet

Me qëllim të informimit të nxënësve, prindërve për mundësitë që ofrohen në shkollimin e mesëm të lartë në komunën e Suharekës si dhe mundësitë për tregun e punës pas përfundimit të këtij shkollimi, Drejtoria e Arsimit ka filluar aktivitetin “Dyert e hapura“, ku nxënësve të klasave të nënta u krijohet mundësia të vizitojnë shkollat profesionale të komunës së Suharekës dhe do të kenë mundësinë të njihen më për së afërmi me lëmitë-profilet e këtyre shkollave për vitin shkollor 2018/19. Aktivet profesionale të këtyre dy shkollave (“Skender Luarasi” dhe “Abdyl Rama”) në koordinim me Drejtorët kanë ekspozuar të punimeve të nxënësve dhe kanë përgatitur prezantime të cilat tashmë janë duke u shpalosur para nxënësve të klasave të nënta, të shkollave fillore të mesme të ulëta. Aktiviteti ka filluar, ku ishin nxënësit e katër shkollave nga: Savrova, Bukoshi, Peqani dhe Sllapuzhani. Nxënësit janë pritur nga Ekipet e formuara nga Drejtoria e shkollës teknike dhe ajo profesionale dhe të gjithë nxënësve të klasave të nënta u mundësua që edhe praktikisht te shohin kabinetet, laboratoret, punëtoritë ekzistuese ne shkollat e mesme dhe dëgjuan prezantimet e përgatitura nga mësimdhënësit e këtyre shkollave dhe për së afërmi panë punimet e nxënësve të ekspozuara në korridorin e shkollës. Këto vizita do të zgjatin gjatë tërë javës ku secila shkollë është përfshirë në këtë aktivitet.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara