Ka filluar asfaltimi i rrugëve në fshatin Temeqinë të Malishevës

31/08/2022 Institucionet

Sot kanë filluar punimet në asfaltimin e disa rrugëve në fshatin Temeqinë të Komunës së Malishevës. Punimet në këto rrugë të fshatit Temeqinë, i ka parë nga afër edhe drejtori i Drejtorisë së Urbanizmit, Avdi Morina, ku është takuar edhe me banorët e këtij fshatit, e të cilët i ka uruar për rregullimin e rrugëve, si dhe është zotuar për realizimin e të gjitha projekteve në infrastrukturën rrugore. “Juve banorë të Temeqinës, ju uroj për rregullimin e rrugëve dhe ju siguroj se të gjitha projektet infrastrukturore, e sidomos rregullimi i rrugëve të planifikuara, do të realizohet, pavarësisht problemeve me të cilat përballen operatorët, për shkak të krizës së përgjithshme, jo vetëm në vendin tonë. Jemi duke u angazhuar maksimalisht, që të gjitha projektet e planifikuara të përfundojmë”, ka thënë drejtori Morina. Drejtori i Drejtorisë së Urbanizmit, Avdi Morina, ka bërë të ditur se në Temeqinë, po asfaltohen rreth 500 metra rrugë në lagjet e fshatit, të cilat lidhen me rrugët kryesore në fshat dhe asfaltimi i tyre mundësohet nga buxheti i Komunës së Malishevës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara