Ka filluar fushata e korrje shirjeve në Malishevë

08/07/2020 Institucionet

Këto ditë, edhe në territorin e Komunës së Malishevës ka filluar fushata e korrje shirjeve. Korrjen e grurit sot e ka parë nga afër edhe Kryetari i Komunës së Malishevës, Ragip Begaj dhe drejtori i Drejtorisë për Bujqësi, Murat Hoxha, të cilët janë njoftuar nga shtabi komunal për mbikëqyrjen e fushatës së korrje shirjeve, me ecurinë e fushatës dhe rendimentet e grurit. “Ju uroj për korrjen e grurit. Uroj që edhe ky vit të jetë i bereqetshëm dhe puna e juaja të paguhet, e ti mbushni hambarët me grurë”, ju ka thënë bujqve kryetari Begaj, gjatë vizitës në Drenoc, ku kombajnat ishin duke korrur grurin në arat e këtij fshati. Sipas drejtorit të Drejtorisë së Bujqësisë, Murat Hoxha, këtë vit janë mbjellë rreth 4 mijë hektar me grurë, tërësisht në sektorin privat, ndërsa rendimentet janë të kënaqshme. “Komuna e ka formuar shtabin komunal për mbikëqyrjen e fushatës së korrje-shirjeve, ndërsa pronarët e kombajnave janë duke respektuar udhëzimet e Ministrisë së Bujqësisë” ka thënë Hoxha. Ndërsa sipas shtabit komunal për mbikëqyrjen e fushatës së korrje-shirjeve, ecuria e kësaj fushate është duke shkuar në rregull dhe nuk ka probleme në terren, kurse rendimentet e grurit janë 4 000 deri 4 500 kilogram për një hektar.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara