leoni

Ka filluar ndërtimi i një pjesë të kanalizimit në Banjë të Malishevës

22/05/2018 Institucionet

Në kuadër të rregullimit të infrastrukturës së përgjithshme, e në veçanti të rregullimit të sistemeve të kanalizimit, kanë filluar punimet në rregullimin e sistemit të kanalizimit në një lagje të fshatit Banjë. Këto punime, i kanë inspektuar nënkryetari i Komunës së Malishevës, Hajdin Berisha dhe drejtori komunal i urbanizimit, Islam Vrenezi. Nënkryetari Berisha dhe drejtori Vrenezi, janë njoftuar me punimet që janë duke u kryer nga ana e punë kryesit, si dhe nga mbikëqyrësit e projektit, ku sipas tyre punimet janë duke u kryer sipas dinamikës së paraparë dhe deri më tani nuk ka probleme në realizimin e këtij projekti. Nënkryetari Berisha, tha se “ne si qeveri komunale kemi për obligim që të punojmë në rritjen e mirëqenies së qytetarëve, përmes investimeve të cilat janë në shërbim të qytetarëve, e sidomos jemi të obliguar që të rregullojmë infrastrukturën, që është jetike për banorët në çdo vendbanim”. Ndërsa drejtori Vrenezi, tha se “ky është investim i Komunës së Malishevës, në kuadër të realizimit të projekteve të planifikuara që realizohen gjatë këtij viti, ndërsa në këtë pjesë të fshatit Banjë, do të rregullohet sistemi i kanalizimit në gjatësi për 1500 metrave, dhe kjo pjesë do të lidhet në kolektorin kryesor të ujërave të zeza”.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara