Ka filluar ndërtimi i tri kilometrave trotuar në Drenoc

09/10/2018 Institucionet

Në fshatin Drenoc të Komunës së Malishevës, ka filluar ndërtimi i tri kilometrave trotuar në lagjet e këtij fshati, që lidhë rrugët e asfaltuara me shkollën “Xhevë Lladrovci”. Qëllimi i ndërtimit të këtij trotuari, është lëvizja më e lehtë dhe më e sigurt për banorët, e në veçanti për nxënësit e këtij fshati, përkatësisht të një pjese të fshatit, ku lëvizja e nxënësve përgjatë rrugës, është e pasigurt. Punimet në ndërtimin e këtij trotuari, i ka parë nga afër, nënkryetari i Komunës së Malishevës, Hajdin Berisha, i cili ishte i shoqëruar edhe nga drejtori i Drejtorisë së Urbanizmit, Islam Vrenezi dhe drejtori i Drejtorisë së Shërbimeve Publike, Milazim Morina. Nënkryetari Berisha, është ndarë i kënaqur me punimet që janë duke u bërë në ndërtimin e këtij trotuari dhe ka thënë se “qëllimi i ndërtimit të këtij trotuari është, krijimi i sigurisë në rrugë për të gjithë banorët, e në veçanti për nxënësit, si dhe është pjesë planifikimeve komunale, në kuadër të rregullimit të infrastrukturës së përgjithshme në Komunën e Malishevës”. Sipas drejtorit të urbanizmit, Islam Vrenezi, këtu janë planifikuar të ndërtohen tri kilometra trotuar, dhe kjo mundësohet nga buxheti i Komunës së Malishevës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara