Ka filluar ndërtimi i trotuarit Malishevë-Dragobil

05/12/2018 Institucionet

Ka filluar ndërtimi i trotuarit Malishevë-Dragobil, përkatësisht segmenti i parë i këtij trotuari, që shkon përgjatë rrugës Malishevë-Rahovec. Punimet në rregullimin e këtij trotuari i kanë inspektuar i pari i Komunës së Malishevës, Ragip Begaj dhe drejtori i Drejtorisë së Urbanizmit, Islam Vrenezi. Ndërtimi i këtij trotuari është shumë i nevojshëm për sigurinë e kalimtarëve, pasi kjo rrugë është njëra prej më të ngarkuarave, për shkak të rëndësisë që ka kjo rrugë magjistrale Prishtinë-Malishevë-Rahovec-Gjakovë. “Ka qenë kërkesë e banorëve që jetojnë në këtë pjesë, dhe me qëllim të krijimit të sigurisë, ne kemi filluar dhe po e ndërtojmë këtë trotuar për banorët të cilët domosdoshmërish lëvizin përgjatë rrugës magjistrale”, tha kryetari Begaj, i cili edhe është ndarë i kënaqur me ecurinë e punimeve. Drejtori i urbanizmit, Islam Vrenezi, ka bërë të ditur, se këtë vit është duke u ndërtuar segmenti i parë i trotuarit, që fillon në lagjen e Gurit, e deri tek varrezat e lagjes dhe varrezave të maturantëve, një rrugë shumë e frekuentuar, ndërsa pjesa tjetër e trotuarit, pritet të vazhdoj në vitin e ardhshëm. Në segmentin e parë po ndërtohen 560 metra trotuar dhe është investim i Komunës së Malishevës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara