Ka filluar zgjidhja e problemit të trajtimit të ujërave të zeza të fshatrave Tushilë, Kopiliq i Poshtëm dhe Açarevë

28/02/2022 Institucionet

Ka filluar zgjidhja e problemit të trajtimit të ujërave të zeza të fshatrave Tushilë, Kopiliq i Poshtëm dhe Açarevë, me incizimin gjeodezik të terrenit, që ka nisur nga Fabrika e Ujërave të Zeza në Llaushë.

Kryetari i Komunës së Skenderajt Fadil Nura dhe drejtori për Urbanizëm dhe Mbrojtje të Ambientit, Driton Mulaj, kanë vizituar vendin ku do të nis realizimi i projektit, përkatësisht te Fabrika e Ujërave të Zeza.

Me përfaqësuesit e kompanisë Vizioni Project, që merret me hartimin e projekteve, kanë diskutuar detajet e realizimit të projektit.

Siç ka njoftuar kryetari Nura, Në kolektor do të kyçen shkarkimet e rrjetit të kanalizimit të fshatrave Tushilë dhe Kopiliq, si dhe do të lidhet shkarkimi i gypit kryesor nga Runiku dhe Turiqeci me të gjitha fshatrat përreth, që konfiguracionin e shkarkimit e kanë në këtë kolektor.

Në këtë kuadër, do të nisin shpejt punimet edhe në degëzimet e lagjeve të Tushilës, si dhe incizimi i terenit për kanalizim fekal në rrjetin e lagjeve të Kopiliqit të Poshtëm dhe Açarevës.

Kontrolloni gjithashtu

Më 25 prill mbahet Tryezan Shkencore “Rëndësia e Organizimit të Luftës së UÇK-së në Zonën Operative të Pashtrikut

Komuna e Rahovecit ka bërë publike agjendën e aktiviteteve për shënimin e 27-vjetorit të daljes …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara