Ka ndërruar jetë veterani i Ushtrisë Çlirimtare të Kosovës, Enver Geci. Lajmin për vdekjen e Gecit e kanë bërë me dije familjarët e tij. Varrimi i Gecit do të bëhet sot (e mërkurë) në orën 17:00 në fshatin Llaushë të Skenderajt, konkretisht në varrezat e lagjes Babaj. Enver Geci ka qenë njëri prej ushtarëve të parë dhe më të shquar të Ushtrisë Çlirimtare të Kosovës, në Drenicë.
