Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ka nisur shtrimi i asfaltit në rrugën “Ilaz Kodra” në Skenderaj, përkatësisht nga ura deri te xhamia e qytetit, në kuadër të projektit për rregullimin e bulevardit në këtë pjesë të rëndësishme të qytetit të Skenderajt. Në këtë kuadër, punimet i kanë vizituar kryetari i Komunës, Fadil Nura, nënkryetari Sami Lushtaku dhe drejtori për Urbanizëm dhe Mbrojtje të Ambientit, Driton Mulaj, ku kanë parë nga afër procesin e asfaltimit të segmentit rrugor. Në këtë mënyrë, bulevardi “Ilaz Kodra” dita-ditës po merr pamje moderne, pasi në krahun kah xhamia ka përfunduar rregullimi i pjesës së trotuarit, ndërkohë që edhe në krahu tjetër do të përfshihet në ndërtim, duke e kthyer këtë pjesë në një zonë me pamje atraktive.
