Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas disa muajve ka rinisur gjykimi në rastin “Veteranët. Në procesin gjyqësor i njohur si “Veteranët” për gjoja keqpërdorim të pozitës apo autoritetit zyrtar po akuzohen ish-shefi i Shtabit të UÇK-së, gjatë luftës, komandanti i TMK-së, Agim Çeku, ish-ministri i Mbrojtjes, Rrustem Berisha, deputeti Shkumbin Demalijaj, si dhe nëntë ish eprorë të tjerë të luftës së UÇK-së. Ata po akuzohen për kohën sa ishin pjesë e Komisionit Qeveritar për Njohjen dhe Verifikimin e Statusit të Dëshmorit të Kombit, Invalidit, Veteranit, Pjesëtarit dhe të Internuarit të Luftës së UÇK-së. Edhe gjatë kësaj seanca gjyqësore të gjithë të akuzuarit u deklaruan të pafajshëm, ndërsa me një dakordim të të gjitha palëve nuk u lexua aktakuza pasi që tashmë palët e përfshira janë të njoftuara me aktakuzën që ngarkohen të akuzuarit. Në seancën e së mërkurës trupi gjykues ka ndaluar publikimin në medie të seancës së të akuzuarve në rastin “Veteranët”. I pari nga të akuzuarit që u ftua për ta dhënë mbrojtjen e tij ishte i akuzuari, Agim Çeku. Ende pa filluar dhënia e mbrojtjes nga i akuzuari, Agim Çeku, kryetarja e trupit gjykues kërkoi që sallën e gjykimit ta lirojnë të akuzuarit tjerë.
