Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
I akuzuari i Gjykatës Speciale, invalidi dhe veterani i luftës së UÇK-së, Hysni Gucati, sot në fjalën e tij para trupit gjykues, në Hagë, fillimisht ka treguar se në fshatin e të lindjes në Morinë e Skenderajt, gjatë luftës janë vrarë nga forcat serbe më së shumti njerëz për kokë banori. Ai po ashtu tregoi se gjatë viteve 1998-1999 së bashku me babanë e tij iu ka bashkuar Ushtrisë Çlirimtare të Kosovës për t’i mbrojtur të drejtat elementare të njeriut, siç janë liria dhe e drejta për një jetë të lirë në vatrat tona. Në luftimet e qershorit të vitit 1999, unë jam plagosur nga forcat serbe, dhe si pasoje e asaj sot jam invalid dhe nuk mund të eci si gjithë njerëzit e tjerë. Ne si popull më i vjetër në Ballkan, nuk e kemi pushtuar Serbinë, por vendi ynë ka qenë i pushtuar nga Serbia, ka thënë mes tjerash, kryetari i OVL UÇK-së, Hysni Gucati.
