Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e AAK-së, Donika Kadaj-Bujupi, ka kritikuar Qeverinë në detyrë të Kosovës që nuk ia ka paguar pagat punëtorëve të ndërmarrjes “Trepça” gjatë periudhës së pandemisë. Ajo ka thënë se kjo është e paprecedent, sidomos kur dihet se në pushtet është një parti që është deklaruar si e majtë, duke aluduar në Vetëvendosjen. Siç bën me dije faqja e Grupit Parlamentar të AAK-së Kadaj, Bujupi, ka thënë se për “Trepçën” është diskutuar shumë, por i vetmi veprim konkret ishte ndërmarrë nga Qeveria Haradinaj kur ishte bërë realitet Ligji për “Trepçën”. Ajo ka bërë thirrje për reflektim nga ana e Qeverisë dhe që të mos rrezikohen 300 familjet e punëtorëve të kësaj ndërmarrje në këtë kohë krize.
