Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-gjyqtari Kadri Kryeziu ka komentuar situatën aktuale rreth konstituimit të Kuvendit të Kosovës dhe formimit të qeverisë, duke parashikuar se kjo periudhë mund të zgjat deri në dy muaj. Kryeziu ka theksuar se nuk ka afat kushtetues të caktuar për të përfunduar këtë proces, duke theksuar se ky është një problem politik dhe jo një bllokadë juridike ose kushtetuese. Kryeziu ka sqaruar se afatet kushtetuese fillojnë me konstituimin e Kuvendit dhe, pas kësaj, partia me numrin më të madh të deputetëve ka të drejtë të dërgojë emrin e mandatarit për formimin e qeverisë. Pas mandatimit, është parashikuar një periudhë prej 15 ditësh për formimin e qeverisë, dhe më pas 10 ditë për procedura të tjera, që bashkë mund të shkojnë deri në 60 ditë për të përfunduar këtë proces. Në rast se ky afat kalon, Kosova mund të shkojë në zgjedhje të jashtëzakonshme.
