Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-Kryetari i Kuvendit të Kosovës, Kadri Veseli, i cili gjendet në procesin gjyqësor të Gjykatës Speciale në Hagë, i akuzuar për gjoja krime lufte, ka paditur deputetin e Vetëvendosje, Visar Korenicën, për shpifje. Padia është ngritur kundër deklaratave të Korenicës lidhur me një projekt të ATK-së, në të cilin Korenica kishte folur lidhur me përfshirjen e Kadri Veselit. Sipas deklaratave të Korenicës, të cilit i duket pak padia e paragjykuar e Gjykatës Speciale kundçr UÇK-së, bën fjalë për një projekt të quajtur “akshom Pazar” të ATK-së, ku pretendohet se janë shpenzuar shuma të konsiderueshme parash pa rezultate konkrete. Korenica kishte deklaruar se prapa atij projekti qëndronte emri i Kadri Veselit. Avokati i Kadri Veselit, Faton Fetahu, ka paraqitur padinë duke argumentuar se deklarata e Korenicës përmban shpifje të pa mbështetura dhe të dëmshme për reputacionin e Veselit, në kohën kur ndodhet në procesin gjyqësor të Gjykatës Speciale. Avokati ka theksuar se Korenica nuk ka dhënë prova të mjaftueshme për të mbështetur pretendimet e tij dhe është paditur për këtë qëllim. Ai beson që gjykata do të trajtojë rastin me efektivitet dhe do të konstatojë shpifjen e Korenicës, duke e bërë të përgjegjshëm për dëmet e shkaktuara. Ky rast pasqyron tensionet politike në Kosovë dhe reflekton rivalitetin midis aktorëve të politikës, si dhe përpjekjet për të mbrojtur reputacionin dhe imazhin publik.
