Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Numri i vizitorëve në kalanë historike të Gjirokastrës vazhdon të rritet me një ritëm të qëndrueshëm, duke arritur një tjetër rekord gjatë muajit korrik 2024. Drejtoria Rajonale e Trashëgimisë Kulturore në Gjirokastër raportoi se 35 mijë e 996 turistë vizituan kalanë gjatë kësaj periudhe, një rritje prej 14 % krahasuar me të njëjtin muaj të vitit 2023. Ministri i Ekonomisë, Kulturës dhe Inovacionit, Blendi Gonxhja, publikoi statistika të detajuara që tregojnë se Kalaja e Gjirokastrës kryeson listën e kalave dhe monumenteve më të vizituara në Shqipëri për periudhën janar-korrik 2024. Kalaja e Gjirokastrës ka mirëpritur gjithsej 120 mijë e 723 vizitorë gjatë kësaj periudhe, duke e pozicionuar si institucionin më të preferuar për turistët.
