Nënpresidentja amerikane, Kamala Harris ka shfaqur bindjen e saj se do të fitoj ndaj rivalit republikan, Donald Tramp në garën presidenciale. Ajo ka shtuar më tutje se është e nderuar që gëzon mbështetjen e presidentit aktual, Joe Biden për t’i hyrë garës presidenciale dhe se do ta fitoj këtë garë. “Do të bëj gjithçka që mundem për të bashkuar Partinë Demokratike – për të bashkuar kombin tonë – për të mposhtur Donald Trumpin dhe agjendën e tij ekstreme Projekti 2025. I kemi 107 ditë deri në ditën e zgjedhjeve. Së bashku do të luftojmë. Dhe së bashku do të fitojmë”, ka theksuar mes tjerash nënpresidentja amerikane, Kamala Harris. Këto deklarata ajo i ka bërë pak kohë pasi presidenti aktual i Shteteve të Bashkuara të Amerikës, Xho Baiden ka thënë se do të tërhiqet nga gara për zgjedhjet presidenciale dhe se ai do ta mbështes në këtë garë, nënpresidentët Kamala Harris.
![](https://www.radiokosovaelire.com/wp-content/uploads/Kamala-Harris-660x330.webp)