Kanadaja mbështet fuqishëm Kosovën në fushën e kulturës

16/03/2017 Institucionet

Në Galerinë e Ministrisë së Kulturës u hap ekspozita, “Natyra e Universit” e artistes nga Kanadaja, Jo Ann Lanneville ku i pranishëm ishte edhe ambasadori i Kanadasë me seli në Kroaci, Daniel Maksymiuk.

Ekspozita e artistes kanadeze paraqet një reflektim të botës përreth saj për shumë vite dhe punimet paraqesin vullkane, shpella dhe pjesë artistike që lidhen me sjelljet njerëzore me hapësirën e përditshme.

Në ekspozitë morri pjesë edhe zëvendësministri i Kulturës, Rinisë dhe Sportit, Rexhep Hoti.

Në hapje të ekspozitës, ambasadori i Kanadasë, Jo Ann Maksymiuk tha se është kënaqësi që ndodhet në Kosovë për të parë nga afër një shtet partner për të cilin shteti i tij ka bërë shumë para, gjatë dhe pas luftës dhe po vazhdon ta ndihmojë edhe sot.

Ai tha se ekspozita e Jo Ann Lanneville shërben edhe si një pikëtakim i përbashkët për tu njohur më shumë me botën e veçantë të artit edhe në Kosovë.

Ambasadori foli edhe për kontributin që Ambasada e Kanadasë ka dhënë në mënyrë që Kosova të bëhet pjesë e organizatës së Frankofonisë.

Ai tha se Kanadaja do të vazhdojë të mbështesë Kosovën edhe në fushën e artit, trashëgimisë kulturore dhe në fusha tjera.

Ndërkaq, zëvendësministri Hoti shprehi falënderimet e tij për kontributin dhe ndihmesën që Kanadaja ka dhënë dhe po vazhdon ta jap për Kosovën.

Me theks të veçantë, zëvendësministri foli edhe për anëtarësimin e Kosovës në organizatën e UNESCO-s për çka ambasadori Maksymiuk ofroi mbështetjen e Kanadasë që Kosova të bëhet sa më parë pjesë e kësaj organizate.

Hoti tha se trashëgimia më e madhe e Kosovës në të cilën ndodhen kishat paleo krisitane duhet të jetë nën mbrojte të UNESCO-s.

Kontrolloni gjithashtu

39 pemëtar ferizajas përfitues të spërkatsëve profesionale

Mbështetja për bujqit dhe fermerët ferizajas po vazhdon. Në kuadër të skemës mbështetëse për bujqit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara