Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati i Partisë Socialiste në Shqipëri, Edison Memolla ka fituar për herë të dytë zgjedhjet në Rrogozhinë, ku u përsëritën pasi rezultati i 14 majit u shpall i pavlefshëm. Kryeministri Edi Rama ka duartrokitur fitoren ndërsa shkruan se skuadra e PS ka nxjerrë mësime nga gara e 14 majit, duke marrë më shumë vota. Pas rizgjedhjeve të djeshme në Rrogozhinë, kandidati ynë e thellon fitoren e 14 majit, ku doli përpara me 21 vota, me një avantazh spektakolar prej 1752 votash Urime Edison dhe një bravo të madhe për të gjithë skuadrën tonë, e cila nxori mësimin e duhur nga gara e mëparshme, duke u angazhuar dhe organizuar ende më mirë, për të dalë shumë më lart në zgjedhjen e djeshme pjesore”, tha Edi Rama. Pas ripërsëritjes së zgjedhjeve ditën e djeshme, me numërimin e kutisë së fundit, rezultoi se fitues me rezultate të thella, ishte Edison Memolla. Ai ishte në garë me kandidatin e koalicionit ‘Bashkë Fitojmë’ Shkëlqim Hoxha. Këto zgjedhje ka pasur rreth 1 mijë e 100 votues më shumë se në zgjedhjet e 14 majit.
