Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati për kryetar i Komunës së Besianës, nga LDK-ja Agim Veliu, ka mbajtur një takim me banorët e pjesës së qytetit ‘ Besiana 3’. Fillimisht kryetari aktual, Agim Veliu u ka kërkuar falje qytetarëve, simpatizantëve dhe anëtarëve të LDK-së që hapësirat e sallës së sporteve në Shkollën e Mesme “Isa Boletini” ishin të pamjaftueshme për të zënë numrin e madh të atyre që kishin ardhur për t’i ofruar mbështetje Lidhjes Për Besianën dhe kryetarit Veliu. Në takimin me simpatizantë dhe anëtarë të LDK-së, kryetari Veliu garantoi se koalicioni i vetëm, i tij dhe i LDK—së në Podujevë, është marrëveshja e lidhur me qytetarin, e cila i solli LDK-së fitore në 13 palë zgjedhje. Gjatë takimit të sotëm, kryetari Veliu ka shpalosur projektet dhe investimet e bëra gjatë mandatit të kaluar qeverisës dhe planet dhe projektet e planifikuara për periudhën e ardhshme katërvjeçare.
