Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati për deputet nga Partia Demokratike e Kosovës, Altin Jakup Krasniqi, ka uruar Dita e Veteranëve të UÇK-së, duke theksuar rëndësinë e kujtimit dhe nderimit të të gjithë atyre që luftuan për lirinë e Kosovës. Altin Jakup Krasniqi ka vlerësuar sakrificën e komandantit legjendar, Adem Jashari, dhe familjes Jashari, që u bënë simbol i qëndresës dhe guximit për lirinë. Ai po ashtu ka theksuar se çmimi i lirisë vazhdon të paguhet edhe sot, me çlirimtarët që tani po mbrojnë dinjitetin dhe drejtësinë e luftës kosovare në Hagë, duke kërkuar unitet dhe mbështetje të pakushtëzuar për ata që sot mbrojnë vlerat e luftës dhe dinjitetin e popullit të Kosovës. “Urime Dita e Veteranëve të UÇK-së! Sot kujtojmë dhe nderojmë të gjithë ata që luftuan për lirinë e Kosovës, duke përfshirë sakrificën e Komandantit Legjendar, Adem Jashari, dhe familjes heroike Jashari, të cilët u bënë simbol i qëndresës dhe guximit. Ata na mësuan se liria kërkon sakrificë dhe përkushtim. Por, çmimi i lirisë vazhdon të paguhet edhe sot. Çlirimtarët tanë, që dikur mbrojtën atdheun, sot po mbrojnë dinjitetin dhe drejtësinë e luftës sonë të shenjtë në Hagë. Kjo është një tjetër betejë për të vërtetën dhe për dinjitetin e popullit të Kosovës, që kërkon unitet dhe mbështetje të pakushtëzuar nga të gjithë ne. Lavdi të gjithë dëshmorëve të kombit, respekt dhe mirënjohje për çdo veteran të UÇK-së, dhe mbështetje e fuqishme për ata që po mbrojnë sot vlerat e luftës në emër të popullit tonë! Liria është dhe mbetet amaneti ynë i përjetshëm!”, ka shkruar Altin Jakup Krasniqi.
